CERTIFICAT DE COUTUME - ТАЙЛБАР, ТАТАЖ АВАХ
2025-08-19
Франц Улсын засаг захиргаа, нийгмийн халамж, шүүх болон иргэний бүртгэл зэрэг байгууллагууд гадаад иргэнд үйлчилгээ үзүүлэх буюу бүртгэл хийхдээ өөрийн хууль тогтоомж нь тухайн улсынхтай нийцэж байгаа эсэхийг тогтоох үүднээс эрх зүйн байдлын тодорхойлолт буюу “Certificate de coutume”-ыг франц хэл дээр шаардах тохиолдол гардаг.
Уг баримт бичгийг тус ЭСЯ-ны Консулын хэлтсээс эх хувиар нь буюу өөрийн ашиглах зорилгод нийцэх хувилбарыг доорх линкээр татан авах боломжтой.
Certificat de coutume - pour naissance et filiation - Хүүхэд төрөхөд эцгээр нь овоглох /хүүхэд төрөхөөс өмнө авахад анхаарах/, Францын бүртгэл дэх хүүхдийн овоглолтыг өвөөгөөс аавын нэрээр өөрчлөх зэрэгт ашиглана.
Certificat de coutume - pour mariage - БНФУ-д гэрлэлт буюу хамтран амьдрахаар (PACS) бүртгүүлэхэд ашиглана.
Certificat de coutume - Etat civil - хоёр орны иргэний улсын бүртгэлийн зохицуулалтын зөрүү, тухайлбал манай хуулинд төрсний гэрчилгээ насан туршид нэг удаа олгогддог, "Mention marginale" гэх ойлголт байхгүй, иргэний улсын бүртгэлийн лавлагаанууд салангид олгогддог зэргийг тайлбарлахад ашиглана.
АНХААРАХ: Цахим хэлбэрээр авсан тохиолдолд тодорхойлолт дээрх QR кодыг уншуулан ЭСЯ-ны албан ёсны цахим хуудсан дээрх хувилбартай тулган баталгаажуулж, Консулын хэлтсийн тамга, гарын үсэгтэйн нэгэн адил хүчин төгөлдөр ашиглана. QR кодыг уншуулахад цахим баталгаажуулалттай холбогдох Монгол Улсын нэгдэн орсон олон улсын конвенц, үндэсний хууль тогтоомжийн талаар франц хэл дээр тайлбарласан хуудас бий.