Хүмүүнлэгийн болон бусад харилцаа

Иргэд харилцан зорчиж буй тухай

Монгол иргэд Шенгений хэлэлцээрийн улсуудын виз, Францын иргэд Монгол Улсын виз авна.
Цахим дипломат паспорттай иргэд 90 хүртэл хоног визгүй зорчино. (2013 оны 10 сарын 26-ны Дипломат паспорт эзэмшигчдийг визийн шаардлагаас чөлөөлөх тухай хэлэлцээрийн дагуу)
Монгол Улсын Өргөмжит консул Лоран Хинкэр 2014 оноос Францын Страсбург хотноо ажиллаж байна.

Боловсролын харилцаа

Монгол Улсын Боловсрол, соёл, шинжлэх ухааны яам, Бүгд Найрамдах Франц Улсын Гадаад хэрэг, олон улсын хөгжлийн яам хооронд сургалтын хамтарсан тэтгэлгийн хөтөлбөрийг хэрэгжүүлэх хэлэлцээрийг 2015 оны 11 сарын 19-нд байгуулсан.
Энэ хүрээнд 10 монгол оюутанд хамтран тэтгэлэг олгож буй.

Соёлын харилцаа

2015 онд Монголын түүхэн киноны сор бүтээл болох “Цогт тайж” киноны эх хувийг Франц Улсад сэргээн засварлаж, Монгол Улсад хүлээлгэн өгсөн. Түүнчлэн Монгол кино үүсч хөгжсөний 80 жил, Монгол-Францын дипломат харилцаа тогтоосны 50 жилийн ойн хүрээнд 2015 оны “Улаанбаатар” Олон улсын кино наадмын онцлох орноор Бүгд Найрамдах Франц Улсыг сонгон, 2015 оны 10 дугаар сарын 7-11-ний өдрүүдэд Улаанбаатар хотноо зохион байгуулсан.